ഞാനില്ലേ കൂടെ
അറിയുന്നുവോ സഖീ നിൻ അശ്രുവാൽ
ഉരുകിയൊലിക്കുമെൻ ദേഹിയെ !
പാതിവഴിയിൽ പണിമുടക്കിയതിൽ
സ്വയം പഴിച്ചിടുമെൻ ഹൃദയത്തെ !
നിൻ മിഴിനീരൊപ്പാനാവാതെ
തളരുമീ കരതലങ്ങളെ !
എന്നും എപ്പോളും കൂടെയില്ലേ എന്നു
മൊഴിയാനാവാത്തൊരീ അധരങ്ങളെ !
കരഞ്ഞു നീ തളരവേ നിനക്ക്
താങ്ങാകാൻ അശക്തമീ ചുമലുകളെ !
അറിയുക സഖീ , നിൻ നിഴലായ്
അനുയാത്ര ചെയ്യുമെൻ സ്നേഹം.
മുന്നേറുക സഖീ ,നാമൊന്നിച്ചു മെനഞ്ഞ
സ്വപ്നങ്ങൾ പൂവണിയിക്കാൻ .
പറഞ്ഞു തീർക്കാതെ പോയ
പരിഭവങ്ങൾ കേൾക്കാൻ
ഞാനില്ലേ കൂടെ .
പുലരിയിൽ ഇളംകാറ്റായ്
നിൻ മുടിത്തുമ്പിലെ പൂവായ്
സന്ധ്യയിൽ നിഴലായ്
ഇരുളിൽ നിലാവായ്
നിദ്രയിൽ കിനാവായ് ....
ഞാനില്ലേ കൂടെ .
Beautiful poem . ലളിത സുന്ദരം
ReplyDelete